«Жаданне ўцягнуць Беларусь у вайну ў Расеі застаецца. Але гэта будзе нялёгка»

20:12 16 ноября 2022
ОБСУДИТЬ
Нядаўна стала вядома, што Мінабароны Беларусі плануе надрукаваць 180 тысяч позваў, а таксама выклікаць ў ваенкаматы ўсіх ваеннаабавязаных для зверкі ўліковых дадзеных. І гэта ўсе на фоне вызвалення ад расійскіх войск Херсона і далейшага наступу УСУ.

Ці можа спроба паўторнага нападу з тэрыторыі Беларусі стрымаць наступ УСУ? Пра гэта разважае палітычны аглядальнік Ігар Тышкевіч.

— Я б сказаў, што гэта абсалютна не вырашэнне пытання. Дзеля таго, каб стварыць рэальную небяспеку для Украіны, на беларускім накірунку трэба сфармаваць ударную групу не менш, чым 60 тысяч чалавек, гэта тых, хто пойдзе. Хачу нагадаць, што вайсковы складнік узброеных сіл Беларусі — гэта не больш за 40 тысяч, з іх адправіць можна ўмоўна кажучы каля 20 тысяч ва ўмовах паўнавартаснага ўдзелу ў вайне.

Таму ім трэба павялічваць, наганяць расійскіх мабілізаваных, але нават і гэтая групоўка можа стварыць праблему, але не будзе здольная вырашыць стратэгічныя задачы.

Таму ў дадзеным выпадку наступ з боку Беларусі не вырашае стратэгічных задач або не здымае праблемы РФ. Наступ можа прынесці тактычнае палягчэнне, але тут багата што залежыць ад падзей, якія развіваюцца на франтах на Поўдні.

Палітычны аглядальнік падкрэслівае: жаданне ўцягнуць Беларусь у вайну ў Расіі застаецца.

— Яны будуць спрабаваць гэта зрабіць. Тут ужо пытанне пазіцыі беларускага боку, бо, шчыра кажучы, людзям страшна, нават людзям у пагонах і ў атачэнні Лукашэнкі. Таму што кожная параза Расеі паказвае два вельмі важных фактары. Пазіцыя і беларускіх сілавікоў, і беларускіх улад базавалася на тэзісе пра Расію як вельмі моцную вайсковую і палітычную сілу ў рэгіёне, альбо дамінуючую.

Адпаведна, з аднаго боку, гэта давала магчымасць спрабаваць размаўляць з пазіцыі сілы з суседзямі, таму што ёсць парасон бяспекі з боку Расіі. З другога боку, гэта наганяла страх зрабіць штосьці, што не падабаецца Маскве, зноў-такі таму, што Расія — магутная дзяржава. Зараз мы маем сітуацыю, пры якой ў Расіі не хапае сіл забяспечыць паўнавартасны парасон бяспекі над Беларуссю.

Я не думаю, што для Масквы будзе так лёгка ўцягнуць у вайну Беларусь. Тое, што ў пэўнай меры задавальняе Пуціна, — гэта гуляць на мяжы ў такую правакацыю: праводзіць бясконцыя манеўры, запрашаць расійскіх мабілізаваных у Беларусь, таксама сітуацыя з гэтымі позвамі (гаворка ідзе пра 180 тысяч позваў, якія збіраюцца надрукаваць у Беларусі — С.), праводзіць праверкі вайскова абавязаных. Ну, маўляў, давайце напалохаем Украіну.

Так, гэта прымушае Украіну трымаць дадатковыя сілы на беларускай мяжы, але не болей за тое. І для Расіі гэта выгадна, — заключае Ігар Тышкевіч.

ЧИТАТЬ ЕЩЕ СТАТЬИ

07 сентября 2023 12:34

Миграционный кризис – всё? Что происходит на границе Беларуси со странами ЕС?

Старший исследователь Центра новых идей Геннадий Коршунов анализирует августовские данные о количестве попыток нелегальных пересечений границ Беларуси со странами Европейского Союза.

05 сентября 2023 15:59

Беларускія ўлады дэманструюць новы віток міралюбнасці ў дачыненні да Польшчы

4 верасня з’явілася інфармацыя, што Польшча аднавіла запіс на выдачу турыстычных віз для беларусаў. З процілеглага боку таксама нечакана «адлягло» — міністр абароны РБ Віктар Хрэнін заявіў, што лічыць парушэнне польскім верталётам беларускай мяжы не правакацыяй, а памылкай пілотаў, маўляў, рэч у нізкай падрыхтоўцы лётчыкаў.

30 августа 2023 16:05

Как популизм перед выборами может сыграть злую шутку с экономикой Беларуси

ВВП Беларуси в первом полугодии вырос на 2% по сравнению с аналогичным периодом прошлого года. По оценкам некоторых экспертов, белорусская экономика и по итогам всего года может вырасти более, чем на 2%.

28 августа 2023 11:07

«Часть вагнеровцев Лукашенко, вероятно, попытается оставить в Беларуси»

Аналитик Украинского института будущего Игорь Тышкевич — о том, что после смерти Евгения Пригожина будет с вагнеровцами, находящимися на территории Беларуси.