Праваахоўнікі шукаюць журналіста, які працаваў у Ганцавічах і даўно пераехаў у ЗША

12:00 28 февраля 2023
ОБСУДИТЬ
З розніцай у некалькі дзён да сваякоў былога карэспандэнта рэгіянальных медыя Берасцейшчыны Аляксандра Пазняка наведаліся прадстаўнікі розных праваахоўных структур – цікавіліся ягоным месцам знаходжання. Пры гэтым прычыны падвышанага інтарэсу так і не агучылі – маўляў, таямніца следства.

У нядаўнім мінулым Аляксандр Пазняк – карэспандэнт навінавага партала “Першы рэгіён” і незалежнай газеты “Ганцавіцкі час”. Але не так даўно ён выграў “грын-кард” ураду ЗША (green card lottery USA) і ад канца 2021 года жыве ў Нью-Ёрку.

Там адразу ж далучыўся да беларускага грамадскага руху, удзельнічае ў падрыхтоўцы выпускаў газеты паваеннай эміграцыі “Беларус”.

Магчыма, публічная актыўнасць і стала падставай візіту сілавікоў да сваякоў журналіста ў Сянно на Віцебшчыне – менавіта там прапісаны Аляксандр Пазняк, хоць даўно з родным горадам развітаўся. Апошнім часам ягоны лёс быў шчыльна звязаны з Берасцейшчынай, дзе ён супрацоўнічаў з незалежнымі медыямі.

Як расказаў службе маніторынгу БАЖ сам журналіст, сёння ён прачнуўся ад занадта ранняга тэлефанавання маці – жанчына была напалоханая чарговым візітам праваахоўнікаў. Расказала, што завіталі прадстаўнікі Следчага камітэта, цікавіліся месцам пражывання ў ЗША, прасілі кантактны тэлефон.

У падрабязнасці не заглыбляліся, толькі сказалі, што яе сын праходзіць сведкам у нейкай крымінальнай справе, але нешта разгалошваць адмовіліся пад умовай “таямніцы следства”.

Адметна, што за чатыры дні да таго ўжо прыходзілі іншыя сілавікі, якія прадставіліся супрацоўнікамі крымінальнага вышуку. Тады таксама прасілі даць ім амерыканскі адрас журналіста і нумар для сувязі.

Зрэшты, у большай ступені цікавасць да сваёй персоны Аляксандр Пазняк звязвае з падзеямі 2020 года. Тады яму разам з калегамі давялося асвятляць бурныя палітычныя падзеі, якія ў тым ліку накрылі і невялікія гарады.

“20 чэрвеня 2020-га каля плошчы насупраць райвыканкама ў Ганцавічах сабралася некалькі дзесяткаў чалавек. Людзі стаялі, размаўлялі, пілі каву. Частка прыйшла падтрымаць тых, супраць каго ўжо пачаліся палітычныя рэпрэсіі. Скончылася ўсё жахліва: сілавікі збівалі і мужчын, і жанчын. Затрыманых пакаралі штрафамі і суткамі”, – згадваў Аляксандр Пазняк у інтэрв’ю Беларускай асацыяцыі журналістаў.

Тады пад “зачыстку” патрапілі і супрацоўнікі СМІ, якія вялі стрым з плошчы. У прыватнасці, збілі і затрымалі Аляксандра Пазняка і ягонага калегу Сяргея Багрова. Суд адбываўся ў Баранавічах, куды іх адправілі чакаць працэсу ў СІЗА: 22 чэрвеня Аляксандр Пазняк быў пакараны штрафам у памеры 30 базавых велічынь (780 рублёў), а Сяргей Багроў атрымаў 15 сутак арышту.

“Тады калегі з розных выданняў зрабілі ўсё магчымае, каб данесці максімальна шырока інфармацыю пра тое, што адбылося ў Ганцавічах. На судзе прысутнічалі прадстаўнікі БАЖ, быў запушчаны збор на пакрыццё штрафаў. Салідарнасць у любой арганізацыі — гэта вялікая справа. І ў нашай рэдакцыі яна моцна адчувалася. На жаль, “наезды” на журналістаў пасля гэтага не скончыліся. Гэта быў толькі пачатак, бо ўрэшце газета была знішчаная”, – адзначыў Аляксандр Пазняк.

Нягледзячы на тое, што ганцавіцкі журналіст ужо больш за год жыве ў Нью-Ёрку, ён падтрымлівае цёплыя адносіны амаль з усімі былымі калегамі па выданнях, з якімі плённа супрацоўнічаў у Беларусі.

Пры гэтым не закінуў журналістыку, на валанцёрскай аснове рыхтуе матэрыялы для нью-ёрскай газеты “Беларус”, рэдакцыя якой зацікаўлена ў свежых ідэях, якія нясе з сабой новая беларуская эміграцыя.

ЧИТАТЬ ЕЩЕ СТАТЬИ

02 февраля 2023 09:42

Блогер из Березы – о пытках в заключении, отношении к помилованию и первых днях на воле

Александр Кабанов, который в 2020 году фактически был пресс-секретарем инициативной группы Светланы Тихановской, в декабре 2022 года освободился после трех лет в неволе.

21 января 2023 11:18

Светлана Алексиевич: «В Беларуси меня поражает не только власть, но тысяча маленьких исполнителей»

Писательница и нобелевский лауреат — о заочном процессе по делу Координационного совета, суде над «весновцами», русской культуре и своей новой книге.

16 января 2023 10:12

Экс-командир десантников из Бреста: Россия проиграет войну, а перемены наступят в Беларуси

Представитель Объединенного переходного кабинета по обороне и национальной безопасности Валерий Сахащик дал интервью, в котором рассказал о своей нынешней деятельности.

11 января 2023 08:52

Польская писательница хотела посетить Пинск, но ей запретили въезд в Беларусь на 20 лет

Писательница Майя Вольны из Польши хотела посетить Беларусь по безвизовому режиму, который власти ввели как "подтверждение открытости страны, направленности на добрососедство и укрепление межнациональных связей".