«Настаўнікі ў Беларусі — гэта, напэўна, самыя прыніжаныя людзі»

10:26 14 января 2024
ОБСУДИТЬ
Выкладчыца беларускай мовы з Полацку — пра тое, чаму беларускія настаўнікі не выступаюць супраць улады і любоў да беларускай мовы.

Настаўніца з Полацку Алена Гурчонак, якая выкладала беларускую мову, у 2020 годзе прымала ўдзел у зборы подпісаў за Святлану Ціханоўскую, правядзенні мітынгу ў яе падтрымку, маршах, а таксама была незалежнай назіральніцай на выбарах.

Два разы яна была асуджаная па адміністратыўных справах, а вясной 2021 года яе зноў арыштаваная і заключаная на тры дні пад варту пасля правядзення вобшука. Пасля гэтага жанчыну звольнілі з працы і яна вырашала з’ехаць з Беларусі.

Зараз Алена жыве ў Нямеччыне, дзе вучыць нямецкую мову і выкладае беларускую. Яна распавяла, чаму беларускія настаўнікі не выступаюць супраць улады, чаму абрала выкладаць беларускую мову і лічыць гэта важным.

— Сёння многія абвінавачваюць настаўнікаў, што яны падрабляюць выбары. Так, сапраўды, на многіх адказнасць ляжыць. Але я хачу сказаць, што настаўнікі ў Беларусі — гэта, напэўна, самыя прыніжаныя людзі.

Яны прыніжаныя абсалютна ўсім: для таго, каб выжыць, яны бяруць па паўтары-дзве стаўкі гадзін, і ўсё роўна гэта маленькая зарплата. Яны залазяць у крэдыты, каб набыць новыя туфелькі на першае верасня.

І ўсе баяцца, бо ёсць сем‘і, дзеці. Яны па сённяшні дзень не разумеюць, што сітуацыя, якая складаецца вакол Беларусі, усё роўна адлюструецца на кожнай сям’і. Прыйдуць у кожную хату.

Па словах настаўніцы, нягледзячы на вялікі стаж працы, у школе з ёй усё роўна заключалі кантракт не больш, чым на адзін год.

— Але ж я не маўчала. У 2020 годзе на судзе сказала, што лічыла, што гэта мой доўг як настаўніка: абазначыць гэтае пытанне. Я адказная за сваіх вучняў, за сваіх дзяцей. Я ніколькі не шкадую, што сапраўды штосьці зрабіла.

Больш за тое, калі я толькі ўключалася ва ўсе гэтыя працэсы, я думала, што беларускае грамадства больш цёмнае. Я не думала, што настолькі многа людзей супраць усяго, што адбываецца. І для мяне 2020 год стаў прыемным дзівам. Я зачаравалася сваім народам.

Жанчына распавядае, як прыняла рашэнне выкладаць беларускую мову:

— Я скончыла педвучылішча у 1989 годзе. У той час як раз былі падзеі ў краіне, якія, здавалася, вялі нас да свабоды і нацыянальнага ўсведамлення. Я адчула, што беларуская нацыянальная ідэя — гэта нешта цікавае і мне захацелася выкладаць беларускую мову.

Але ж, думаю, пытанне беларускай мовы існуе ў Беларусі заўсёды.

Дзіўна сёння гучыць, калі ў Еўропе народы стараюцца нават дыялекты свае захоўваць, а ў нас ўстае пытанне захаванне мовы. І нягледзячы на тое, што прайшло 100 гадоў з моманту, калі Беларусь атрымала так званую незалежнасць, моўнае пытанне ўсё роўна стаіць.

Уладу ўтрымліваюць людзі, якія не маюць ніякіх адносін да беларускасці і беларускай нацыянальнай ідэі, да таго, каб захоўваць беларускую гісторыю. Гэта людзі, якія з’яўляюцца праваднікамі рускага свету.

Беларуская мова — гэта не проста мова, якой хачу размаўляю, хачу — не размаўляю. Гэта тое, што нас аб’ядноўвае. Тое, што сапраўды ў сабе трымае код беларускай нацыі і свабоды, якая ўсё роўна ў нас ёсць, хай нас і прыніжалі ўсе стагоддзі.

 

ЧИТАТЬ ЕЩЕ СТАТЬИ

06 января 2024 08:55

Что означает резкое сокращение количества частных школ в Беларуси?

Министр образования Андрей Иванец заявил, что в Беларуси работают всего шесть частных школ. Все они имеют специальные разрешения на право осуществления образовательной деятельности. Обязательное лицензирование для учреждения образований ввели в Беларуси в 2022 году — тогда в стране работало 25 частных школ.

22 декабря 2023 09:34

Как в школах Беларуси насаждается милитаризация

“Те, кто говорит: ничего страшного, если моих детей ставят в строй, учат стрелять, ну, что же — наверное, этим людям тревожится о милитаризации в школах не стоит”, — считает педагог Дима Зицер. По его словам, при этом еще используют аргумент: «у нас тоже так было, и ничего, вырос нормальным человеком». А кто определяет вырос ли он нормальным?

01 декабря 2023 15:31

Действительно ли студенты в Беларуси недоплачивают за свое обучение в вузах?

Как заявил министр образования Андрей Иванец, цена обучения в беларусских вузах будет повышаться с декабря 2023 года. “Да, планируем рост от 3 до 17% в зависимости от специальности, — сказал министр. - Каждый вуз будет принимать решение о повышении прайса самостоятельно”.

29 ноября 2023 18:32

Что не так с планами властей Беларуси увеличить плату за обучение?

Министр образования Андрей Иванец заявил о необходимости увеличения платы за обучение в высших учебных заведениях Беларуси. Чиновник назвал причины: инфляция прошлом году составила 16%, соответственно, зарплата, по мнению Иванца, выросла не меньше. А стоимость обучения якобы подняли менее чем на 7%. Непорядок.